مسجات ليبية

موضوع: مسجات ليبية السبت أبريل 11, 2009 10:34 am

شيعت عيني فيه وطا عينه..اليوم صاحبي جرا الخطا وانسينا.

*تجي مجتمعه اشواقي وغلاي وعبرتي والدمعة وين ماعلي اتهف

* في غيابك ماهناك غير الدمعه من السبت تدرف لنهار الجمعه
من السبت يبدا شوقي والاحد يبدن في الجفاف عروقي
والاتنين من تحتي النار وفوقي ويوم التلات ندوب كيف الشمعه
ويوم الاربعاء نزعل يضيق خلوقي وعند الخميس تموت كل عروقي
ويكبر اهبال العقل يوم الجمعه.

* جفا وانسينا رخا حبلنا وقتا عليه اعبينا ...دار الخطا قصر جفا وانسينا.

* مش بلعاني لكن الله غالب ظروف زماني خلتني عليك انغيب

* كيف حال البومه الخاطر بلاكم كاترات اهمومه صعيب حالته

* شورك عدا وخلا الجته فوق صوف مخده سهاني العقل وطار شورك عدا

*خلاص افهمها_العين مالها خاطيك يا لايمها يصير الخطا لكن خلاص افهمها

* تبا عليه اللعنه وقت من شبحت عزيز امنعنا

* لو كان كل جية في الخيال حقيقه ماغبت عني ياعزيز دقيقه

*تقاوي سمه تقول مدمن علي هيروين يبي شمه غلاك ياغالي تقاوي سمه

* كلن الغلا بالشحته انجي تحت روشنكم ونرقد تحته (شحات للغلا)

*ياعزير اعربلي ان كان الغلا مرفوع ليش الشقا ناصبلي (بالله قولي)

* نمدح وماني وعاي اعزاز بغلاهم لاويين ادراعي لو كان يندرو

* شينه مره شور الشقي والياس درنا جره الدنيا بلاالاحباب شينه مره

* امرايف علي شبحت جميل البسمه اللي شوفته ياناس كيف النسمه

ان شاء الله يعجبوكم...

Very Happy

موضوع: رد: مسجات ليبية الأحد أبريل 12, 2009 11:20 am

مشكوووووووور علي الموضوع

جميل جدا جدا جدا
ما زلت نا القديم ... حذاي وين ما يطروا اولاف أنهيم
وبخصك وين علي المواهيم .. بانت وجابني لهن الخطا
إيسيلن كما سيلت دموع إيتيم .. أرقاق الغرض علي قديم غلا

ما زال لي أبعاد .. ومازلت ديــــــــــــما عل القدم نشاد
ومازال قلبي بالغلا وداد .. إيزيد فيه عطاه مع الخليل عطاه
وما زلت نعشق سمحة الميعاد .. وأنرايف عليها أن حازها الجفا

» نكت ليبية صقع.....
» ثلاثية ليبية..........
» قوانين منتدى كوووره( ليبية)